Sipas të dhënave nga Administrata e Përgjithshme e Doganave të Kinës, prodhuesi më i madh në botë i çelikut importoi 2.46 milionë tonë produkte gjysëm të gatshme të çelikut këtë korrik, një rritje prej më shumë se 10 herë në krahasim me të njëjtin muaj të një viti më parë dhe që përfaqëson nivelin më të lartë që nga viti 2016. Gjithashtu, importet e produkteve të gatshme të çelikut arritën në 2.61 milionë tonë gjatë muajit, niveli më i lartë që nga prilli 2004.

Rritja e fortë e importeve të çelikut u nxit nga çmimet më të ulëta jashtë vendit dhe kërkesa e fortë e brendshme për projekte infrastrukturore pas masave stimuluese ekonomike nga qeveria qendrore kineze dhe për shkak të rimëkëmbjes së sektorit të prodhimit, në një kohë kur pandemia e koronavirusit kufizoi konsumin e çeliku në botë.