Segundo datos da Administración Xeral de Aduanas de China, o maior produtor de aceiro do mundo importou este mes de xullo 2,46 millóns de toneladas de produtos siderúrxicos semielaborados, o que supón un aumento de máis de 10 veces respecto ao mesmo mes do ano anterior e que representa o seu nivel máis alto desde 2016. Ademais, as importacións de produtos siderúrxicos acabados ascenderon a 2,61 millóns de toneladas durante o mes, o nivel máis alto desde abril de 2004.

O forte aumento das importacións de aceiro foi impulsado pola baixada dos prezos no estranxeiro e a forte demanda interna de proxectos de infraestruturas tras as medidas de estímulo económico do goberno central chinés, e pola recuperación do sector manufacturero, nun momento no que a pandemia de coronavirus limitaba o consumo de aceiro no mundo.